Ba Mböröta Gaurifa

Moroi ba Wikipedia
Ae ba navigasi Ae ba wangalui
On the Origin of Species
Nga'örö föna mbuku
Sanura Charles Darwin
Negara Hagöri
Li Hagöri
Laraka 24 bawa si fele zara 1859[1]
Media Cetak
Nga'örö 502
OCLC 352242

On the Origin of Species (ba Li Niha Ba Mböröta Gaurifa), afönunia On the Origin of Species by Means of Natural Selection, or the Preservation of Favoured Races in the Struggle for Life, ya'ia da'ö sinura ilmiah ba Li Hagöri nisura Charles Darwin manandrösa ba evolusi. Oföna si'ai laraka ia 24 bawa si fele zara 1859, tobali samokai lala wangera-ngera ba wamareso evolusi. Tefa'ema bakha ba mbuku wa fefu ia sauri ba gulidanö andre tumbu moroi ba zaliŵa-liŵa tanö bö'ö nifotöi böröta gurifö fefu. Tola ifaduhu'ö Charles da'a me aefa ilau wamareso oya mbanua ba danö me fao iya moloyo ba gafa Beagle me döfi 1830-an faoma famareso bö'ö aefa da'ö.

Foraka[bulö'ö | bulö’ö kode]

Foraka On the Origin of Species si oföna alua me Kami 24 bawa si fele zara 1859. La'amawaia fele lima shilling (töi kefe; se), te'amawa mato 1250 ngawua. Me oya niha somasi mowöli, latohugö woraka irugi önö kali. Ero-ero alua woraka si bohou, ihaogö ma inönö nösi mbukunia Darwin ma'i-ma'ifu, andrö lö fagölö si'ai fefu si önö edisi mbukunia. Foraka safuria, si'önö, alua me döfi 1876.[2]

Ösi[bulö'ö | bulö’ö kode]

Ba mbuku niraka si föföna, nga'örö famokai ii mo'ösi fangera-ngera William Whewell faoma Francis Bacon sanandrösa ba huku danö lafaigi moroi ba wa'alowalangi.[3]

Isura ba wamokai wa ba da'ö ibörögö ilau famareso evolusi Darwin me fao iya moloyo ba gafa HMS Beagle. Isura simane:

"When on board H.M.S. 'Beagle,' as naturalist, I was much struck with certain facts in the distribution of the inhabitants of South America, and in the geological relations of the present to the past inhabitants of that continent. These facts seemed to me to throw some light on the origin of species—that mystery of mysteries, as it has been called by one of our greatest philosophers." [4]

Fanema'ö[bulö'ö | bulö’ö kode]

Gambara Darwin sokhö mboto ba'e tobali lala wa tola la'ila ia ia niha sato ba wamaresonia evolusi.[5]

Latema'ö mbuku andre ba zi sagörö ulidanö ba alua huhuosa sebua ba gotalua sato. Ba mböröta, oya si lö manema fangera-ngerania börö me sindruhunia ambö la'ila hadia ia nifatunö Darwin.[6] Hiza i, teboka lala huhuosa ilmiah sanandrösa ba wa'alua evolusi, ba tumbu wehede si bohou nifotöi Darwinisme si tobali töi ndraha fefu lala wamareso evolusi, tenga ha fangera-ngera Darwin. Ba dalu ndröfi 1870-an, no tehöngö sa'ae evolusi.[7]

Umbu[bulö'ö | bulö’ö kode]

  1. Freeman, Richard B. (1977), "On the Origin of Species", The Works of Charles Darwin: An Annotated Bibliographical Handlist (2nd ed.), Folkestone, England: Dawson, ISBN 0-7129-0740-8
  2. On the Origin of Species. darwin-online.org.uk.
  3. Darwin 1859, n. ii. darwin-online.org.uk.
  4. Darwin, Charles, 1809-1882. (2006). On the origin of species by means of natural selection, or, The preservation of favoured races in the struggle for life. Dover Publications. ISBN 9780486450063. OCLC 62857845. nga'örö ix.
  5. Browne, E. Janet (2002). Charles Darwin: The Power of Place. London: Jonathan Cape. ISBN 0-7126-6837-3. nga'örö 376-379
  6. Darwin in letters, 1860: Answering critics. University of Cambridge.
  7. Bowler, Peter J. (1989). Evolution: The History of an Idea. University of California Press. ISBN 978-0-520-06386-0. n. 179, 199.