Amaedola moroi ba Danö Niha

Moroi ba Wikipedia
  • Mamunu te'u böi tunu galasa, da'e sambua lala wehede sasese nifaehagö ndra satua ba wangalösöi'ö wanguma'ö ba niha ena'ö aboto ba dödö hewisa zabölö sökhi ba wamalua gofu hadia ia faböi tesöndra wa'atekiko miföna. Eluaha lala wehede da'a, fatua lö mufalua ngawalö hadia ia, mu'angeragö hadia dania zalua.
  • Hulö zole ba ewalö, sambua wehede fangalösöi'ö ba wangombakha ma ba wogambaraini hewisa wa'auri niha ba gulidanö wa lö saro ma zui lö sahono ba lö si tatu wa'auri niha ba gulidanö, so ginötö wa'omuso dödö ba so göi ginötö wa'atosasa. Lö mu'ila hezo i'otarai, lö mu'ila haniha zamazaumba ma sanibo'ö sole andre so i'a ba ewali, sagötö ya'ia so ba ewali lö mutatugöi balö i'ila hadia ia zalua khönia, hadia so niha sanga'i ba ifazaumba zui, ma zui so niha ihalö ba i'oguna'ö ibali'ö eu galitönia ma ibali'ö sole bahafea khönia. Tola zui so niha itifa, itendre ba sole andrö taisa numalö tola manö telögu, terigawa, lö ara tohare gurifö bawi, manu latendre zui tatu manö sole fabö'ö zui hewisa nirasoi nia. Duma-duma zole andre mutandrösaigö ba wa'auri niha gulidanö, andrö niha tebai mangai esuanö.
  • Simatua garawi iti'ini dödö lala, da'e wehede sasese terongo ba niha na inötö so watötöisa numalö ba wa'udusa, faoma agalaŵa wehedera laforo'ma'ö hewisa wa'apade nisöndrara faoma fatambai. Eluahania na ya'ia khönia ba ifahatö ia. Ba Danö Niha terongo ba tehöngö meföna ira tuada mo'elemu ma mofetua. Molo'ö hikayania, fetua ma elemu ba nga'ötöra mitou simane ba ndraonora ma khö ma'uwura i'otarai khöra so. Oya döi-töi nibe'e ba niha sipade ma sofetua. Sebua elemu ba Danö Niha, ba ya'ira tatu manö tebai ni'osiwawöi, no ni ata'ufi ba zifasui ya'ira.


Umbu[bulö'ö | bulö’ö kode]