Amaedola/O

1. O'aya ine töi lölö mbanio, o'aya ine töi wofo hamo. Ba da'ö khönia owulo zikhö wora, ba da'ö oi owulo zikhö no.
2. Obelu nifö zökha olarua waha mböhö. [nia] Na lö ölu-ölu ba na lö fatö-fatö ba tegölu-gölu manö lö mo'ahonoa ia.
3. Obou hakhi geu, obou hasi firö. Hadia sibai zi lö obou ba götömö, ha folo'ö li zokhö.
4. Ofanö satana, ofanö afökha, da'alö zogobu'u. (Amaedola Nias Tengah)
5. Oföna mukoko awena mururu.[nia] No alua awena terongo.
6. Oi mo'ono mbawi lö waro'a, mangadulo manu lö gadao. Oi fawura bu'u zigelo, ba ahori ikhai fötö waelo.
7. Okiri nikhu gogowaya, alea hörö wötö, wamaigi-maigi gö zo'ö.
8. Omböila totoa, omböila akhe. Na labe'e ba danga zonekhe ba ibali'ö afore.
9. Ono gae mbanua, ono gae tawö. Da'ö sibai wa'atabö me hönö zalölö hörö.
10. Ono manawambanua, ono manawadanö, awena ifolalai ifowa'a ba danö.
11. Ono wörögi ana'a, ono wörögi firö. Böi tibo'ö ba danö, fangönau na inötö.
12. Ono ziharia kiki, sia'a no möi siakhi. Ono ziharia kaka, siakhi no möi sia'a.
13. Owöhö-wöhö mbelugia idimba-dimba wesunia. Atua-tua i garaŵi, ifaliö ba mbaginia monö si siŵa wenali.
14. Oya wofo bö'ö humöngö, oya wofo mbanua fariawö. Ha buyuwu zangöndru laöhö, ha tugöu zi mörö ma'ökhö.

Fabaliŵa lala

Olayama Gamaedola: A | B | C | D | E | F | G | H | I | J | K | L | M | N | O | Ö | P | Q | R | S | T | U | V | W | X | Y | Z

Ondröita Digital Nono Niha
Sura andre tefaböbö ba halöŵö Ondröita Digital Nono Niha sangowuloi fefu hadia ia zanandrösa ba
li, hada, waö-waö, ba fa'atua-tua Nono Niha.
Na so ni'ilau moroi ba mbuku nibasou ma fanutunö zatua soguna sibai,
böi alaŵö wonönö ya'ia ba da'a (na faudu ia ba da'a) ma zui ba zura tanö bö'ö ba Wikipedia Li Niha.